Nëse i hidhni një sy listës së aktorëve që luajnë në shfaqjet e teatrit turk nga Shkupi, në moment një emër do t’ju befasoj. Mes gjithë emrave e mbiemrave, emri Biljana Jovanovska sigurisht që është i pazakontë. Megjithatë edhe kjo aktore ka lidhje me Turqinë. I ati i saj Gjore Jovanovski ka qenë futbollist, dhe më vonë edhe trajneri i këtij vendi. (Ka luajtur për ekipet e Ankaragol dhe Samsunspor), kështu që edhe Turqia u bë fati dhe dashuria e saj.
Për ta përvetësuar gjuhën turke u regjistrua në Fakultetin e Arteve Dramatike (FAD) në Shkup, ndërsa prej vitesh është pjesë e ansamblit të teatrit turk.
“Turqia është pjesë e imja që nga lindja ime. Për shkak të punës së babait tim shpeshherë e kemi frekuentuar relacionin Maqedoni-Turqi, kështu që paralelisht jam rritur me të dyja kulturat dhe të dyja gjuhët. Kur u përcaktova që të studioj në FAD, ishte e natyrshme që të konkurroja në paralelen turke, me qëllim që të përvetësoja edhe më shumë gjuhën turke”, shprehet Jovanovska.
Ajo më tej shton se e ka për shpirti melodinë turke dhe se kur shkon në Turqi, për shkak të butësisë së gjuhës, shndërrohet në një personalitet tjetër.
“I dua midhjet që i shesin në çdo hap dhe të cilat mund t’i konsumosh duke qëndruar në këmbë. E dua çajin turk. Më fascinon çiltërsia e njerëzve në rrugë”, thekson Biljana.
Ajo ka diplomuar në qershor të vitit 2011 tek profesor Elejsa Kaso, me shfaqjen “Udhëtimi i gjatë i natës”. Sot lidhjen me Turqinë nuk e mban përmes provave të përditshme në Teatrin në Çarshinë e Vjetër të Shkupit, por përmes aktrimit në serialet turke.
“Me incizimin e serialeve “Lamtumirë Rumeli” dhe “Vera e fundit në Ballkan” u pajisa me disiplinë që të mund të zgjohem në ora 6 dhe të jem e gatshme për incizim, pa dallim çfarë mbrëmje kisha. U mësova që shpejtë të mësoj tekstet, sepse serialet incizohen me shpejtësinë e dritës dhe duhet të aftësohesh dhe adaptohesh po që se dëshiron të jesh pjesë e saj”, përfundon Biljana.
Srebra Gjorgjijevska
Comments
Loading ...
