Çdo qytet i madh ka shumë fytyra. Disa pjesë të tij duken si të jesh në një qytet tjetër, shtet tjetër, madje edhe në një tjetër kontinent. Urbanët botëror konsiderojnë se qytetet në 50 vitet e fundit gjithnjë e më shumë bëhen globale, se sa kombëtare duke përfshirë shumë karakteristika të ndryshme që pasqyrojnë karakterin e tyre multi-kulturor. Kur kësaj t’i shtohet edhe historia e gjatë dhe e ndërlikuar e Shkupit, të cilën gjithë pushtuesit e kanë ndryshuar siç edhe e kanë marrë, ndërsa katastrofat e mëdha ua kanë “korrigjuar” gabimet apo në kohën më të re kanë hapur mundësi për eksperimentim, diversiteti është absolutisht I garantuar. 
I’a cilat pjesë të botës Balkon3 I njeh në kryeqytetin e Maqedonisë.
ORIENTI
Kjo është Çarshia e vjetër e Shkupit e njohur si çarshia turke. Pjesa më e gjallë e qytetit, plot tregtar, zejtar ( më së shumti artar), restorante, çajtore, kafene e deri te absint-baret si pjesë e udhëtimeve ekzotike të Sherlock Holmes. Zemra e Shkupit, sipas të gjitha kritereve ku thellë është gdhendur fryma orientale.
EVROPA LINDORE
Rrugët e gjëra të zymta, kryesisht blloqe gri të banimit të ndërtuara pranë tyre, janë karakteristike për shumë metropole evropiane lindore. Shkupi megjithatë në atë pjesë të botës dhe shumë pjesë të saj janë të rregulluara në atë mënyrë. Duke përfshirë edhe këtë pjesë të rrugës Ilindenska.
EVROPA PERËNDIMORE
Pavarësisht tërmetit në vitin 1963 dhe modernizimit të mëvonshëm, sërish mbijetoi dhe ka dëshmi se qyteti para qindra vjet u përpoq të arrijë sharmin e kryeqyteteve perëndimore. Disa ndërtesa në rrugën Nikolla Klusev ( më parë Maksim Gorki) dëshmojnë për të.
AMERIKA
Periferia e spikatur amerikane është simbol për pasuri dhe përparim ekonomik të SHBA. Por edhe në Shkup janë ndërtuar lagje sipas modelit të njëjtë, që kishin të njëjtin qëllim- të simbolizojnë rehatin dhe jetën e mirë të klasës së mesme. Lagja Lisiçe është një nga dhjetëra vendbanime të tilla.
JAPONI
Për lulëzimin e qershive japoneze tashmë kemi shkruar dhe ato janë të vendosura në pjesën perëndimore. Shkupi ka edhe një simbol tjetër japonez, mega projektet e arkitektit Kenzo Tange nga vitet 1960 veçanërisht kompleksi “Gradski Xid”.
HOLANDË
Ky qytet nuk është shumë miqësor ndaj biçikletave. Megjithatë, të paktën ka një pjesë ku ato mund të jenë në qendër të vëmendjes si në Holandë. Përskaj lumit Vardar ka rrugë të posaçme për biçikletat, 20 kilometra të gjatë. Kryesisht shërbejnë për sportet rekreative por pasi pjesa më e madhe e qytetit është vendosur përgjatë lumit Vardar, disa e përdorin atë edhe si rrugën më të qetë dhe më të sigurt deri në vendin e punës.
BRAZILI
Këtu nuk kemi as Copacabana e as rrokaqiejt spektakolare të Sao Paulo, por mund të shihni skena të ngjashme si për shembull në Topanën e famshme. Nuk ka asnjë qytet të madh në botë që nuk ka pjesë të mbështjell në varfëri të madhe, por pjesët braziliane u bënë të njohura për shkak të përdorimit në kulturën pop. Kështu edhe Topana ka gjetur vendin e saj në filma dhe muzikë.
AZIA LINDORE
Rrugët aktive tregtare ku edhe pjesë të rrugicave janë shndërruar në zona shitje ndërsa nuk ka produkt që nuk mund ta gjeni aty. Mund t’i gjeni në Tajlandë e deri në Turqi por edhe në lagjen Duqanxhik të Shkupi.
BALLKAN
Kur në një vend gjysmë të rregulluar shohim njerëz nga klasa të ndryshme që vozisin makina të shtrenjta, të lira apo të thjeshta, ndërsa jetojnë në shtypit e tyre të mëdha dhe të vogla të cilat nuk duken as tërheqëse e as të këqija por mjaft modeste- është Ballkani. Kështu është edhe lagjja Gjorçe Petrov.
MANHATAN
Në dhjetë vitet e fundit u paraqitën shumë ide që mbanin titullin e punës-Manhatani i Shkupit. Ideja është që të ndërtohen rrokaqiej në më shumë lokacione ndërsa lartësia maksimale është parashikuar të jetë deri në 500 metra. Deri tani rrokaqiejt e vetëm në Shkup janë ndërtuar dy kullat nga projekti Sky City ( nga katër të planifikuar), 130 metra të larta. Është vështir të supozoje nëse Shkupi do të vazhdoj të zhvillohet në këtë mënyrë, në lartësi.
Goce Trpkovski
photo: Husamettin Gina
Comments
Loading ...
